Қойшыбаев, Б. Алаш жолы [Мәтім] : рисәла / Б. Қойшыбаев – Алматы, 2015. – 400 б.
Белгілі жазушы Бейбіт Қойшыбаевтың оқырман назарына ұсынылып отырған «Алаш жолы» рисәләсі қазақ азаттық қозғалысы тарихынан сыр шертеді. Қолдарыңыздаға кітапка рисәләнің «Аңсау», «Тамыр», «Айбат» атты бөліктері енген. «Аңсауда» - Алаш қозғалысын өмірге әкелген ХХ ғ. Басындағы отарлық ахуал, саяси-әлеуметтік тыныс-тіршілік суреттеледі, халықтың мұн-мұқтаждықтары туралы үкіметке петициялар беруге рұксат еткен ақ патшаның белгілі рескриптіне сәйкес, қазақ интеллигенттерінің Қарқаралы жәрмеңкесіне жиналып, тарихи тілекхат әзірлеуі әңгімеленеді. «Тамырда» алғашқы орыс революциясының дүмпуімен жалпыресейлік мұсылман қозғалысының күшеюі, ашық әрекетке шығуы, тұңгыш съезін өткізуі, оған қазақ қайраткерлерінің қатысүы сөз болады. «Айбатта» қазақ жерінде жаңа өркениетке сай демократиялық өзгерістер жасау үшін күресу нәтижесінде еліміздің болашақ қоғамдықөсаяси келбетінің алғашкы нобайлары түзілгені көрініс табады. Аталмыш шығармалардан оқырмандар Әлихан Бөкейханов, Бақытжан Қаратаев, Серәлі Лапин, Жақып Ақбаев, Исмаил Гаспринский, Әлимардан Топчибашев, Әбдірәшит Ибрагимов, Шаһмардан Қосшығулов сынды тарихи тұлғалардың азаттық қозғалысының бастапқы жылдарындағы қызметімен танысады.
Кітап қазақтың ұлттық азаттығын көксеген Алаш қозғалысы тарихымен әуесстенетін көпшілікке, жастарға арналған.